Најврнежливо и најстудено со пад на температурите дури за повеќе од 10 степени во споредба со оние температури кои ги имавме до вчера ќе биде утре, кога максималните дневни температури на воздухот ќе се искачуваат во интервалот од 7 до 15 степени.

За време на овој студен бран, не се исклучува можноста на највисоките планински врвови во Македонија (над 2500 м.н.в) да дојде до првото провејување на по некоја снегулка за оваа сезона, а ќе треба да се вклучи и греењето во домовите.

Од средината на оваа седмица повторно температурите ќе бидат во пораст  и ќе биде потопло.

Да напоменеме дека за време на утрешниот поголем влажен бран од запад, најмногу врнежи ќе има во западните предели и локално ќе наврнат над 30 л/м2 воден талог.

Инаку на многу планини во целиот регион веќе падна првиот снег.

• За нови, детални и по потреба обновени метео информации, следете го официјалниот фејсбук профил на Славчо Попоски тука!
• Можете да ме следете и на инстаграм slavchopoposki!